Tərkibi:
1 toyuğun döş əti tam
1 yumurta
1st. suxari
2 diş sarımsaq
1 st. süd
Duru yağ
Duz, istiot, xmeli-suneli ədviyyatı

Hazırlanması:
Toyuğun döş əti  bir qədər nazik kiçik tikələrə doğranır.  Südün içinə xırda doğranmış sarımsaq, duz, istiot və xmeli-suneli ədviyyatı əlavə edilib, qarışdırılır. Ət də bu qarışığa tökülür və 1 saat soyuducuda saxlanır.
Bir qabda yumurta çalınır, digər qaba suxari tökülür. Ət tikələri yumurtada suxaridə 2-3dəfə fırladılır və bol yağda vam odda qızardılır. Yağı çəkilmək üçün salfetin üzərinə qoyulur.
Isti və soyuq halda yeyilir.
Zövqə uyğun ketçupla da yemək olar.

Nuş olsun!