Tərkibi:
400 qr. dana əti
2 baş soğan
2 ədəd pomidor
Yarım stəkan düyü
1 dəstə keşniş, reyhan
2 x. q. ərinmiş yağ qiyməyə + 2 x.q. xörəyə
duz, istiot
1ç.q. bibər tomatı
12-14 ədəd bolqar bibəri

Hazırlanması:
Ət soğanla maşından keçirilir.
2 pomidorun qabığı bir qədər dərin soyulur. Pomidorun içi də ət maşınından keçirilib qiyməyə əlavə edilir. Düyü, narın doğranmış göyərti, duz, istiot və 2 x.q. yağ qiyməyə vurulur və yaxşıca yoğrulur.
Bibərlərin içi təmizlənir və qiyməylə doldurulub, pomidorun qabıqları ilə üstü bağlanır.
Tavada tomat yağda qovrulur və təxminən yarım st. su tökülür. Bibərlər tavaya yığılır və vam odda 1 saata yaxın bişirilir.

Nuş olsun!