"Kabaçki” tərəvəzini çoxumuz tanıyır və faydasını da bilməmiş deyilik. Nə təəssüf ki, ondan hazırlanan yeməkləri çox da xoşlamırıq. Halbuki azyaşlı uşaqlar üçün və yaşlı insanlar üçün onun faydaları qat-qat çoxdur. Bu zərif tərəvəzdən hazırlanan "oladi – kotlet” yeməyini sizlərlə paylaşıram.
Tərkibi:
2 ədəd - "Kabaçki”
2 ədəd yumurta
50 qr holland pendiri
5 x.q. un
Duz, istiot, göyərti
Hazırlanması:
Kabaçki”lər soyulur və sürtgəcin iri gözündən keçirilir. Tənzifin arasından suyu yaxşıca sıxılır. Sürtgəcdən keçirilmiş pendir, yumurta, un, narın doğranmış göyərti, duz, istiot vurulub qarışdırılır. Kotlet formasına salınıb bol duru yağda qızardılır.