Tərkibi:
3 ortaboy badımcan
3 kartof
2 bolqar bibəri
4 pomidor
2-3 diş sarımsaq
bitki yağı
50 q pendir
2 yumurta
duz
Hazırlanması:
Badımcanları yuyub saplağını kəsin, nazik fal-fal doğrayıb bitki yağında qızardın.
Kartofu suda qabıqlı bişirin. Təmizləyib fal-fal doğrayın.
Bolqar bibərini təmizləyin, halqa doğrayın. (Bibər seçəndə boyuna fikir verin, elə olsun ki, halqalar badımcanla kartof dilimlərindən iri olmasın).
Pomidorları da fal-fal doğrayın.
Dairəvi formaya ardıcıl sıx-çıx düzün: badımcan+kartof+pomidor+bibər. Xarici dairə dolanda daxilini də eyni ardıcıllıqla doldurun.
Duz vurun.
Sarımsağı doğrayıb səpin.
Azca bitki yağı gəzdirin (1 x.q. bəs edər).
Yumurtaları çalıb üzərinə tökün.
Sürtgəcdən keçirilmiş pendir səpin.
180-200 dərəcə qızdırılmış sobada 30-40 dəqiqə bişirin.