Tərkibi:
7 ədəd toyuq budu (bütün)
1,5 stəkan düyü
Yarım çay stəkanı (armudu) duru yağ
2 şorba qaşığı kişmiş ( istəyə görə )
bir az duz
Bir az qara bibər
Yarım dəstə petruşka

Sousu üçün:
2 şorba qaşığı duru yağ
2 dis sarımsaq
1 şorba qaşığı qatıq
1 çay qaşığı pul bibər
1 çay qaşığı qara bibər
1 şirin qaşığı kəklikotu
və duz

Hazırlanması:
Kişmişi yuyun və 20 dəqiqə isti suda gözlədin.
Düyünü yuyun,duru yağda bir az qovurun, qaynar suyu əlavə edin, alçaq atəşdə bişirin
Plov suyunu çəkincə kişmişləri əlavə edib yaxşıca qarışdırın, qazanın qapağını bağlayıb bir az dəmləndirin və kiçik kiçik kəsilmiş petruşkanı əlavə edib, toyuq budlarını hazırlayın
Toyuq budlarını gözəlcə yuyun, üstündəki dərini qaldırmayın , iti bir bıçaqla budun kənarında içini acmağa başlayın, bud qisimindən yuxarısına doğru barmaqlarınızla budun iç qisimini cib kimi edin və əgər bu işi qəssabınız etsə sizin üçün böyük asanlıq olar

Budların sousu üçün sarımsağı rəndələyin, qatıq, ,pul biber, qara bibər, kəklikotu və duzu yaxşıca qarıstırın
İç qisimini açdığınız budların içinə plovu doldurun və açıq qisimini diş çöpü ilə bağlayıb hazırlamış olduğunuz sousa bulayın. Diş çöpləri altına gələcək şəkildə soba paketinə yerləşdirib paketin ağzini yüngül açıq qalacaq səkildə bağlayın ( və ya bir soba nimçəsinə qoyub üzərinə sousunu töküb hər tərəfinə tökün və nimçənin üstünü aluminium folqa ilə bağlayın ) və 200 dərəcə sobada budlar qızarana qədər bisirib servis edə bilərsiniz
 



Nuş olsun!