Tərkibi:
Qoyun əti-500q,
buğda unu-240 q,
lobya-120 q,
yumurta-1 əd,
quru nanə-12 q,
baş soğan-100 q,
sirkə-60 q,
duz, istiot.
Hazırlanması:
Qoyun əti sümüklərindən bulyon bişirilir və süzülür. Ətin yumşaq hissəsi baş soğanla ət maşınının xırda gözündən keçirilir. Ət qiyməsinə duz, istiot vurulub, yaxşı qarışdırılır. Ondan xırda küftəciklər hazırlanır. Axşamdan isladılmış xırda bostan lobyası ayrıca bişirilib, əlavə edilir. Küftəciklər salınıb qaynadılır. Sonra bərk xəmirdən yayılmış yuxadan xırda əriştələr kəsilib, küftəciklər üzərinə əlavə edilib bişirilir. Süfrəyə verilərkən xörəyin üstünə quru nanə səpilir və ayrıca qabda sirkə qoyulur.