Tərkibi:
2 ədəd qabaq
1 ədəd toyuq filesi
50 qr. hər hansı bərk pendir
2 diş sarımsaq
Duz, istiot
Bir neçə yarpaq reyhan
Hazır sous (acı olmayan)
Duru yağ

Hazırlanması:
Qabaqları yuyub 0.5 sm qalınlığında dilimlərə bölürük. Soba nimçəsinə perqament kağızı qoyub qabaqları üzərinə düzürük. Üzərlərinə bir az bitki yağı çəkib duz, istiot vururuq.  180C dərəcə qızdırılmış sobada 5-7 dəqiqə saxlayırıq.

Toyuq filesini nazik nazik uzununa doğrayırıq, bir az döyürük və duz istiotunu vururuq.  Döyülmüş toyuq filesini hazır qabaq dilimlərinin üzərinə düzürük, üstünə pendir səpirik, pendirin üstündən reyhan düzüb sousu əlavə edirik.

Rulet şəklində büküb açılmaması üçün ortasına diş çöpü batırırq. 180C dərəcədə 25 dəqiqə bişirirk.

Ət sevməyənlər zövqlərinə uyğun  bu ruleti istəklərinə uyğun  pomidor, göbələk və s. hazırlaya bilərlər.








Nuş olsun!