Zövqə görə hər cür salatlarınızın servisində istifadə edə biləcəyiniz çox gözəl pendir səbətlərinin hazırlanma qaydasını sizlərlə paylaşmaq istədim. Bu pendir səbətlərini hər ölçüdə hazırlaya bilərsiniz- istərsəniz böyük, istərsəniz də hər qonağa özəl kiçik ölçülərdə.
Bu səbətləri hazırlamaq üçün bizə sürtgəcdən keçirilmiş bərk pendir lazımdır.
Hazırlanması:
Sürtgəcdən keçirilmiş pendiri nimçəyə qoyub mikrodalğalı sobada bir az əriyənə qədər saxlayırıq. Sonra yumşaq ərimiş pendiri stəkan, kiçik fincan, kasa və ya başqa bir formanın ağzına keçiririk.
Mikrodalğalı sobası olmayanlar pendiri adi tavada da əridə bilərlər. Həmçinin sobada da nimçənin içində eyni zamanda bir neçə lavaş hazırlaya bilərsiniz.