Tərkibi:
1 ördək 
kartof
portağal
mixək

iç:
1/2 ördəyin döş əti
1 baş soğan
350 q xırda şampinyon 
1 st. qarabaşaq yarması, yaxud qaragöz lobya 
4 albuxarı
1 ovuc fıstıq 
alma 
rozmarin budağı 
1 diş sarımsaq 
1 ç.q. təzə zəncəfil 

Hazırlanması:
İç: Ördəyin döş ətini və soğanı ayrılıqda xırda doğrayın. Kiçik şampinyonlardan istifadə edin, təmizləyin, amma doğramayın. Qarabaşaq yarmasını suda bişirin. Qarabaşaq yarması yerinə qaragöz lobya götürə bilərsiniz. O zaman lobyanı 8-10 saat isladın, sonra yumşalınca bişirin. Albuxarıları yuyun, almaları xırda doğrayın. Sarımsağı 4 yerə bölün, zəncəfili xırda doğrayın. 
İç üçün olan ərzağı qarışdırıb təmizlənmiş ördəyin içinə doldurun, tikin. 

Əvvəlcə 200, sonra isə 170 dərəcə qızdırılmış sobada 2 saat bişirin. 

Sobaya qoyandan bir saat sonra çıxarıb ördəyin kənarlarına yuyulub doğranmış kartof, saat yarım sonra isə - alma, soğan, sarımsaq, portağal dilimləri və mixək düzün. 

Nuş olsun!