Tərkibi (20 ədəd): 
- 4 lavaş
- 300 q kəsmik
- 1 ç.q. xardal
- 1 dəstə şüyüd
- 130 q pendir
- duz
- 1 yumurtanın sarısı
- 1 ç.q. su
- bitki yağı

Hazırlanması:
Kəsmiyi xardal və duzla yaxşıca qarışdırın. 
Şüyüdü yuyub xırda doğrayın. 
Pendiri sürtgəcin iri gözündən keçirin. Kəsmik, şüyüd və pendiri qarışdırın. 
Hər lavaşı eninə təxminən 5 bərabər hissəyə bölün. Bir şəridin bir tərəfinə iç qoyub üçbucaq formasında bükün (üçqulaq paxlava kimi). 
Digər lavaşları da eyni qaydada hazırlayın. 
Yumurta sarısına 1 ç.q. su əlavə edib çəngəllə çalın. 
Hər pirojkinin iki üzünə də yumurta sarısı çəkin. 
Bitki yağında hər iki üzünü qızardın. 

Nuş olsun!