15 dəqiqəyə hazır olan gürcü xəngəli resepti

Şərhlər: 6
Baxılıb: 8 662
Səs ver:
(səs: 1)
Yəqin ki, xəngəli sevməyən kişi tapılmaz . Xüsusən də gürcü xəngəli demək olar ki, bütün kişilərin sevimli yeməyidir. Evdə bu yeməyin hazırlandığı günlər bizim üçün əsil bayrama çevrilir.
Kişilər, bəs heç nə vaxtsa özünüz gürcü xəngəli hazırlamaq haqqında düşünmüsünüz? Əgər bunu hələ də sınamamağınıza səbəb işin çətinliyindən qorxmağınızdırsa, buna görə narahat olmayın. Bu dəfəki məqalədə sizə bu dadlı xəmir xörəyinin hazırlanma qaydası haqqında məlumat verəcəyik.

Tərkibi:
• 3 stəkan un
• 1 stəkan su
• 1 yumurta
• duz

Xəmirin içi:
• 250 qr. yağlı qoyun əti
• 200 qr. mal əti
• 3 baş soğan
• qırmızı və qara istiot
• su, duz

Hazırlanması:
Əvvəlcə bizə lazım olacaq qədər unu yaxşıca ələyirik. Una su, yumurta və duzu əlavə edib xəmir yoğururuq. Xəmirin hazır olduğuna əmin olduqdan sonra onun üstünü parça ilə örtüb 20-30 dəqiqəlik dincəlməyə qoyuruq.
İç üçün qoyun və mal əti soğanla birlikdə ət maşınından keçirilir. Çəkilmiş ətin üzərinə yarım stəkan su, duz, istiot əlavə edərək öz buxarında bişiririk. İçlik hazır olduqdan sonra xəmiri kiçik hissələrə ayırır, əldə etdiyimiz kündələrin içinə qiymə doldururuq. Gürcü xəngəlinin əsas sirri içlik doldurulduqdan sonra kündənin bükülmə formasıdır. Buna görə də onun kənarlarını səliqəli şəkildə bükürük. Xəngəllər hazır olduqdan sonra qazanda duzlu su qoyuruq. Su qaynadıqdan sonra hazır xingəlləri qazana tökürük. Xəngəlin bişməsi üçün onun suda 10-15 dəqiqə qalması kifayətdir. Artıq xingəlləri sudan çıxarıb stola təqdim edə bilərik.

Nuş olsun!
(səs: 1)
Şərhlər: 6
Baxılıb: 8 662
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri