Tərkibi (4 pay): 
500 q toyuq fiflesi
1-2 təzə qabaq 
bitki yağı
 
marinad:
1 x.q. bitki yağı
1 x.q. soya sousu
1 ç.q. alma, yaxud  üzüm sirkəsi (limon şirəsi də olar)
1 diş sarımsaq 
0,5 ç. q. bal
ədviyyat (kəklikotu, oreqano, qara küncüt)
duz
istiot
 
Hazırlanması: 
Toyuq filesini orta boy tikələrə doğrayın. 
Qaba yığıb marinad üçün ərzağı üzərinə tökün, qarışdırıb 20-30 dəqiqə saxlayın. Bir neçə saat da saxlamaq olar, o zaman soyuducuya qoyun. 
Qabaqları tərəvəz bıçağı ilə napnazik uzun dilimlərə doğrayın. 
Duzlayıb 10 dəqiqə saxlayın. 
Taxta şişlərə növbə ilə rulet kimi bükülmüş qabaqlarla toyuq tikələrini düzün. 
Bitki yağını tavada qızdırın. 
Şişləri içinə düzüb orta itilikli odda hər üzünü təxminən 4-5 dəqiqə bişirin.









Nuş olsun!