Tərkibi: 550 q un 200 ml isti süd 110 q kərə yağı (100 q xəmir üçün, 10 q iç üçün) 7 yumurta (2 çiyi xəmirə, 4 bişmişi - içə, 1-i üstünə çəkmək üçün) 15 q maya 0,5 ç.q. duz 3 ç.q. şəkər duzu 1 baş soğan 100 q bərk pendir 1 dəstə şüyüd
Hazırlanması: İsti südə yumşaldılmış yağ, yumurta, duz, şəkər tozu, un və maya əlavə edib xəmir yoğurun. Sonra özünə gəlməsi üçün isti yerə qoyun. İç üçün: soğanı doğrayın, kərə yağında qızdırın, xırdalanmış yumurtaları, sürtgəcdən keçirilmiş pendiri və xırda doğranmış şüyüdü əlavə edin.
Xəmiri yayın. Fincanın köməyilə dairələr kəsin. Hər dairəni kənarından 3 yerdən çərtin. İçi dairənin ortasına qoyub kənarları elə bükün ki, üstü açıq qalsın (gülə oxşayacaq). Siniyə perqament kağız qoyub qutabları üstünə düzün, üzərinə yumurta çəkib sobada 200 dərəcə Selsidə bişirin.