Tərkibi (6 pay): 6 iri kartof duz 400 q siyənək filesi 1 balaca qırmızı soğan 2 diş sarımsaq 100 q kornişon (xırda xiyar marinadı) 1 dəstə şüyüd 600 q 25%-li xama
Hazırlanması: Kartofu fırça ilə tərtəmiz yuyun. Bir neçə yerindən diş çöpü ilə deşin. Üzərinə duz və yağ sürtün. Hər kartofu ayrılıqda folqaya bükün. 220 dərəcə qızdırılmış sobada təxminən 1 saat bişirin. Hazır olduğunu yoxlamaq üçün diş çöpünü batırın, o, kartofa rahatlıqla girirsə, deməli, bişib. Sous: siyənəyi, kornişonu, soğanı, sarımsağı və şüyüdü xırda doğrayın. Xama qatıb qarışdırın. Lazım gələrsə, bir qədər də duz əlavə edin. Hazır kartofu folqadan çıxarın, ortasını çərtib aralayın. Sous töküb süfrəyə verin. Yanında kələm şorbası da verə bilərsiniz.