Tərkibi: 1 kq quzu əti 300 q xırda soğan (arpacıq) 1 x.q. duz 1 ç.q. qara istiot 1 armudu st. su quyruq yağı göy soğan 1 dəstə cəfəri 1 qəhvə fincanı narşərab
Hazırlanması: Quzu ətini xırda doğrayın. Soğanların qabığını soyun. Ət, duz, qara istiot və soğanı bir qabda qarışdırın. Odadavamlı tasa yığın. Üzərinə 1 armudu stəkan su əlavə edin. Üzərinə quyruq yağı düzün. Bu qabın ağzına dəyirmi soba formasını qoyub tərs çevirin. Yeməyi vam odda 3 saat bişirin. Hazır olduqdan sonra tası götürün. Cəfəri və göy soğanı xırda doğrayın. Xörəyin ətrafına yayın, üzərinə narşərab gəzdirin (Cəfəri, göy soğan və narşərab qarışığını bişməmişdən öncə birbaşa ətə də əlavə etmək olar. Ancaq o zaman rəngi dəyişəcək). Süfrəyə adi düyü (basmati) plovu ilə verə bilərsiniz.