Dadından doymayacağınız, ağzınızda çıtır-çıtır olacaq toyuq budu yeməyə nə deyirsiz? Qadinla.com xüsusi reseptlə toyuq budunun hazırlanmasını təqdim edir. Tərkibi: 8-10 ədəd toyuq budu 2 ədəd yumurta Duz, qara istiot, pul bibər 1 stəkan un Yarım stəkan qaleta unu 1 stəkan su (yumurtanı çırpmaq üçün) Hazırlanması: Qabı su ilə doldurun və qaynadın.Suya duz töküb toyuq budlarını əlavə edin.Digər tərəfdə 2 yumurtanı çırpıb su əlavə edin və qarışdırın.Ayrı qabın içinə un, qaleta unu, duz, qara istiot və pul bibəri əlavə edin.Toyuq budları qaynadıqdan sonra streç kağıza büküb yarım saat saxlayın.Daha sonra toyuq budlarını öncə yumurtaya, sonra unlu qarışığa batırıb qızğın yağda qızardın.Toyuq budlarını isti halda servis edin.