Tərkibi:
2 stəkan qreçka
1 orta boy soğan
2 ədəd kartof
Duru yağ
Duz,istiot
Hazırlanması:
Soğan xırda kublar şəklində doğranır. Qazana tökülüb duru yağda azca qızarana qədər qovrulur. Kartof soyulur, yuyulur, bir az iri kublar şəklində doğranır, qovrulmuş soğanla birlikdə azca qızardılır. Təmizlənib yuyulmuş qreçka əlavə edilir,qarışdırılır, duz istiot vurulur. Üzərinə qaynar su tökülür. Qaynara düşəndən sonra dəmə qoyulur. 25- 30 dəqiqəyə tam hazır olur. Süfrəyə verdikdə üzərinə əlavə sous tökməyə ehtiyac yoxdur.
Nuş olsun!