Qadınlar.biz içi doldurulmuş və qızardılmış Jalapeno bibər reseptini sizlərə təqdim edir.

Tərkibi:
12 ədəd Jalapeno bibəri
1 fincan qaymaq
Yarım fincan çeddar pendiri
2 yumurta
1 x.q süd
Yarım fincan un
Suxarı
Duz
Qara istiot
Duru yağ (qızartmaq üçün)

Hazırlanması:
1.Jalapeno bibərləri yaxşıca yuyulur, bıçaqla bir tərəfdən ehtiyatla kəsilir, tumları çıxarılır və isti suyla içərisi yuyulur ki, tum qalmasın.
2. Ayrı bir kasada qaymaq və çeddar pendiri çəngəllə əzilib qarışdırılır. Bu qarışıq bibərlərin içərisinə bıçaq və ya desert qaşıqla doldurulur.
3. 3 ədəd kasa götürülür, birinin içinə yumurta qırılıb südlə çalınır, birinə un, duz və qara istiot tökülüb qarışdırılır, birinə isə suxarı (çörək qırıntıları) əlavə edilir.
4. Doldurulmuş bibərlər bir-bir əvvəlcə yumurta-süd qarışığına, sonra un qarışığına və suxarıya batırılıb qızmar tavada duru yağda qızardılır.
5. Qızardılmış bibərlər salfet üzərinə qoyulur. Yağı çəkildikdən sonra servis qabına alınır. Süfrəyə zövqə görə pomidor sousu və ya qatıqla verilir.  

 

 

 

 

Nuş olsun!