Bildiyiniz kimi, kələm sağlamlıq üçün çox faydalıdır. Yeməklərdə istifadə etməklə yanaşı bu tərəvəzdən tez-tez salat da hazırlamaq lazımdır. Çünki tərəvəzlər bişirilərkən qida dəyərlərini itirirlər.
Sizin üçün ən dadlı kələm salatının reseptini əldə etmişik:

Tərkibi:
150 qram ağ kələm
150 qram qırmızı kələm
2 ədəd kök
3 ədəd göy soğan
2 qaşıq mayonez
yarım qaşıq xardal
1 yemək qaşığı alma sirkəsi
duz, istiot,

Hazırlanması:
Kələmləri yaxşıca yuyun. Suyu süzüldükdən sonra uzun, amma ensiz şəkildə doğrayın. Kökləri rəndədən keçirin. Daha sonra göy soğanı xırda-xırda doğrayın. Böyük bir qabda hamısını qarışdırın. Mayonezi, sirkəni, xardalı duz və istiotu əlavə edin. Bu qarışımı salata əlavə edib yaxşıca qarışdırın. Salatınız hazırdır.

Nuş olsun!