Tərkibi:
500-600 q kələm
3-5 x.q. un
3 yumurta
duz, istiot
2 baş soğan
2-3 yerkökü
500 q qiymə
100 q sürtgəcdən keçirilmiş pendir
3-4 x.q. mayonez
qızartmaq üçün yağ
göyərti

Hazırlanması:
Kələmi çox xırda doğrayın, ya da blenderdə xırdalayın. Yumurta, duz, istiot, ədviyyat və un əlavə edin, qarışdırın. Blinlər bişirib soyudun.

Soğanı xırdalayın, yerkökünü sürtgəcin iri gözündən keçirin, birlikdə qovurun, duz, istiot vurun.

Qiyməyə duz vurun.

Kələmli blinlərin üzərinə çiy qiymə, yerkökü-soğan qarışığı, göyərti döşəyib üst-üstə yığın.

Siniyə qoyun. Üzərinə pendirlə qarışdırılmış mayonez çəkin. 180 dərəcə qızdırılmış sobada 15-20 dəqiqə bişirin.

Nuş olsun!