Tərkibi:
500 q turp
500 q xırda çuğundur
kahı
200 q qoz (fındıq, badam, keşyu, sidr qozası - zövqə görə)
cəfəri
6 x.q. bitki yağı
1 x.q. sirkə
1 diş sarımsaq
duz
təzə üyüdülmüş qara istiot

Hazırlanması:
Turpun qabığını soyun. Kubik doğrayın, qaynayan duzlu suda 2-3 dəqiqə saxlayın. Sonra suyunu süzün. Turpu qurudun. 3 x.q. bitki yağında təxminən 5 dəqiqə qovurun.

Çuğunduru şotka ilə yuyun. Üstünə qaynar su töküb, qabıqlı, yumşalanacan, təxminən 20 dəqiqə bişirin. Soyudun. Qabığını soyub dilimləyin.

Qozu quru, qaynar tavada 1-2 dəqiqə qovurun. Sonra bıçaqla iri doğrayın.

Sous: sarımsaq və cəfərini (3 budaq yetər) xırdalayın, bir qaba qoyun, 3 x.q. bitki yağı, sirkə, duz, istiot əlavə edib çəngəllə yaxşıca çalın.

Kahı yarpaqlarını yuyub aşsüzənə yığın. Suyu süzüləndən sonra boşqablara düzün. Üstünə çuğundur dilimləri, qovrulmuş turp qoyun, üstünə sous gəzdirib qovrulmuş qoz səpin.

Nuş olsun!