Tərkibi (4 pay):
3 balaca çuğundur
3 iri portağal
kahı yarpaqları (romen)
4 x.q. qoz ləpəsi
4 x.q. qırmızı üzüm sirkəsi
soyuq press zeytun yağı
təzə üyüdülmüş qara istiot
duz
Hazırlanması:
Çuğunduru sobada bişirin (suda da qaynada bilərsiniz).
Qozu quru qızmar tavada qovurun, sonra xırdalayın.
Kahı yarpaqlarını soyuq suda yuyub suyu süzülmək üçün aşsüzənə yığın. Əlinizlə iri doğrayın.
İki portağalın qabığını soyun, dənələrini çıxarıb, pərdələrini təmizləyin.
Bir portağalın şirəsini sıxıb bir qaba yığın.
Şirəni sirkə, zeytun yağı, duz-istiotla çalın.
Salat qabına kahı yarpaqlarını düzün. Üzərinə nazik doğranmış çuğunduru, sonra portağal dilimlərini düzün.
Sousu üzərinə gəzdirib qoz səpin.
Nuş olsun!