Tərkibi: 1 su stəkanı noxud (qaynadılmış), 2 ədəd qırmızı bibər (közlənmiş qabıqları soyulmuş), 3-4 budaq təzə soğan, 1/2 dəstə cəfəri, 1/2 dəstə şüyüd, 1 ədədt limon suyu, Duz, Qırmızı toz bibər, Sumax, Zeytun yağı. Hazırlanması: Cəfəri, şüyüd və təzə soğan incə-incə doğranar. Qırmızı bibərlər kiçik-kiçik doğranar. Bir qabın içərisinə zeytun yağı, qırmızı toz bibər, limon suyu, duz və sumax qoyulub, qarışdırılar. Başqa bir qabın içərisinə noxud, soğan, cəfəri, şüyüd və qırmızı bibər qoyulub, qarışdırılar. İçərisinə hazırlanan sous tökülər və qarışdırılar. Hazırlanan noxud salatı dərhal servis edilə bilər. Nuş olsun!