Tərkibi: 3 xiyar 2 yaşıl alma 100 q kahı 100 q cəfəri 2-3 ç.q. bal 0,5 limonun şirəsi 80 q araxis (yaxud küncüt) duz istiot bitki yağı Hazırlanması: Xiyarla almaları yuyub qurulayın. Almanın cecəyini çıxarın. Sonra koreya üsulu yerkökü üçün olan sürtgəcdən alma ilə xiyarı keçirin. Almaların üzərinə azca limon şirəsi səpin, xiyarla qarışdırın. Kahı yarpaqlarını yuyun, suyu çəkiləndən sonra əlinizlə parçalara ayırın. Göyərtini xırda doğrayın. Balı limon şirəsində əriyənəcən qarışdırın. Cəfəri ilə kahını duzlayıb-istiotlayın, üzərinə sousu töküb qarışdırın. Qaba kahı ilə göyərti qarışığını, üzərinə alma ilə xiyarı qoyun. Azca istiot vurun, üzərinə sevdiyiniz bitki yağını gəzdirin, araxis (yaxud qoz), küncüt, yaxud limon sedrası səpin.