Tərkibi:
Buğda -400q,
1-ci sort buğda unu -2000 q,
kərə yağı – 400 q,
doşab -800 q,
qoz ləpəsi -400 q,
cirə -8 q,
istiot – 4 q,
darçın – 8 q,
rayana – 4 q.

Hazırlanması:
Buğdadan adi qayda üzrə səməni cücərdilir. Cücərtilər sarımtıl rəngdə olduqda ətçəkən maşından keçirilir, şirəsi tənzifdən süzülür və un əlavə edilib xəmir yoğurulur. Xəmir yağlanmış mis tiyana qoyulur, zəif alov üzərində arabir çevirilmək şərtilə (yanmasın deyə) 4 saat ərzində bişirilir. Hər dəfə xəmiri çevirdikdə altına azacıq kərə yağı tökülür. Axırda kütləyə xırdalanmış qoz ləpəsi, ədviyyat və doşab vurulub yaxşı qarışdırılır.

Hazır halvadan yastı küftə formasında paylar düzəldilir.

Nuş olsun!