Krem üçün: Süd Xama Qarğıdalı nişastası Yağ Şəkər tozu Vanil
Hazırlanması: İlk öncə xəmirlərin yumşalmağını gözləyin. Və onların öz-özünə, otaq istiliyində yumşalmağına şərait yaradın. Yəni tez buzu açılsın deyə müdaxilə etməyin. Əgər düzbucaq tort ya kvadrat etmək istəyirsinizsə o zaman fətirləri öz formasında yayın, böyüdün. Yox dairəvi tort istəyirsinizsə o zaman xəmirləri kiçik kündələr şəklində yumrulayın sonra yayın. Fətirləri kraxmalla yayırıq. Sobanı yüksək dərəcədə qızdırıb, üzləri çəhrayı rəngə çalana qədər quruduruq. Kremi üçün unu, kraxmalı, şəkər tozunu bir qaba töküb qarışdırırıq (düyün olmamağına diqqət edin). Sonra südü əlavə edirik. Ocağın üstündə krem formasına düşənə qədər, qarışdırmanı dayandırmadan saxladırıq. Sonra yağı əlavə edib soyuduruq. Daha sonra qaymağı əlavə edib mikserdən keçirdirik (fətirlərin bərkliyindən narahatsınızsa şərbət sürtüb sonra kremləyin). Belə tortlara fətirlərarası üçün qoz, banan çox gözəl dad verir. Öz ovuntuları ilə də üstünü örtürük. İstəyən bəzəyə də bilər.