Köklü peçenye

Qeydiyyat Şifrənin bərpası

Qadınla.Com

Tarix: 25-09-2013, 19:00

Müəllif: Pure Love

Şərhlər: 2

Baxılıb: 2 676

Bölmə: Bizim mətbəx / Şirniyyat və Tortlar

Səs ver:

(səs: 2)

Tərkibi:

2.5 su stəkanı un

100 qr kərə yağı

Yarım çay stəkanı günəbaxan yağı

Yarım çay stəkanı qatıq

1 çay stəkanı toz şəkər

Yarım paket qabartma tozu

Yarım paket vanil

İçlik üçün:

Yarım kq kök

1 su stəkanı iri çəkilmiş qoz

1 çay stəkanı toz şəkər

1 çay qaşığı darçın

Hazırlanması:

Dərin bir qaba xəmir üçün lazımlı vəsaitləri töküb qarışdırın və yaxşıca yoğurun. Xəmirin üzərini örtüb 30 dəqiqə saxlayın. Kökləri rəndələyib tavaya alın. 2-3 dəqiqə orta istilik üzərində bişirib toz şəkəri əlavə edin. Şəkər əriyib kök yumşaldıqdan sonra qoz və darçını əlavə edib qazın üstündən götürün və yaxşıca qarışdırın. Soyumağa buraxın. Soyuyan qarışığı süzgəcə alıb suyunun süzülməsini saxlayın. Qaba kağız dəsmal sərib qalan suyunu çəkməsi üçün qarışığı bir müddət gözlədin. Xəmiri unladığınız qaba alıb oxlava köməyi ilə yarım barmaq qalınlığında açın. Üzərinə köklü qarışıqdan yayıb rulo şəklində bükün və yarım barmaq qalınlığında dilimləyin. Yağlı kağız qoyulmuş qaba düzün. Əvvəldən isidilmiş 160 dərəcə sobada 20-25 dəqiqə bişirin. Bir az soyuduqdan sonra xidmət edin.

Nuş olsun! nyam