Bakıda tumsuz balaca sarı üzüm kişmiş adlanır. Üzüm təzə olmalıdır. Əgər onların içində xarab olmuş gilə varsa, onlardan istifadə etməyin. Mən adi tumsuz ağ üzüm istifadə etmişəm.

Tərkibi:
1 kq. üzüm
1 kq. şəkər
1 stəkan su

Hazırlanması:
Üzümü saplaqlardan təmizləyib yuyun və qazanın və ya teştin içinə yığın, üstünə şəkər əlavə edib, 8-9 saat saxlayın.
Gilələrin üstünə su töküb odun üstündə 5 dəq. qaynadın. Odun üstündən qaldırıb soyudun. Bu proseduru 3 dəfə təkrar edin. Qaynadıb, soyudun. Bişmiş gilələr kəhrəbaya oxşayırlar, şirəsi isə bal kimidir. Gilələr nə çox bərk, nə də çox yumşaq olmalıdılar.

Nuş olsun!