Şokoladlı rulet

Qeydiyyat Şifrənin bərpası

Qadınla.Com

Tarix: 3-11-2013, 20:00

Müəllif: Wiyinka

Şərhlər: 9

Baxılıb: 33 152

Bölmə: Bizim mətbəx / Şirniyyat və Tortlar

Səs ver:

(səs: 24)

Ərzaqlar:
1 st un
3/4 st şəkər tozu
7 yumurta
1 ç.q kakao

Krem üçün:
1,5 st süd
1 ç.q kakao
1 x.q kraxmal
3 x.q şəkər tozu
200 q kərə yağı

Üstü üçün:
50 q şokolad

Hazırlanması:
Kremi hazırlamaq üçün baxın:
Kakaolu krem. Xəmiri hazırlayaq. Əvvəlcə yumurtanın ağını sarısından ayırırıq. Yumurtanın ağını köpüklənənə qədər çalırıq. Şəkər tozunun 3/4 hissəsini çaldığımız yumurtanın üstünə az-az əlavə edib yenə mikserlə çalırıq. Yumurtanın sarısını ağaranadək mikserlə çalırıq. Şəkər tozunun 1/4 hissəsini çaldığımız yumurta sarısına az-az əlavə edib çalırıq. Çaldığımız yumurta sarısını yumurta ağına az-az əlavə edib yenə mikserlə çalırıq. Ələnmiş unu və kakaonu da əlavə edib taxta qaşıqla yavaş-yavaş qarışdırırıq. Qarışığı qaba kağız qoyub töküb bərabər yayırıq. 180 dərəcə qızdırılmış sobada 20 dəqiqəyə bişiririk. Bişib hazır olan kimi isti-isti kağızla bərabər bükürük. Soyuduqdan sonra açıb kağızı çıxardırıq. Üstünə krem çəkirik. Yenidən rulet kimi bükürük. Üz hissələrini də kremləyirik. Baş hissələrini kəsib düzləşdiririk.
Şokoladı ya vam odda ya da su hamamında əridirik. Əridilmiş şokoladı ruletin üstünə tökürük.

Nuş olsun!