Tərkibi: 1 st. un 1 st. şəkər tozu 2 alma 1 banka ananas konservi 3 yumurta
Hazırlanması: Yumurtanın ağını sarısından ayırın. Yumurtanın ağını tədricən 0,5 st. şəkər tozu əlavə etməklə möhkəm çalın. Yumurta sarısını 0,5 st. şəkər tozu ilə çalıb çalınmış yumurta ağı ilə qarışdırın. Ələnmiş unu əlavə edin. Əgər xama qatılığındadırsa, xəmir hazırdır.
Sinini yağlayın, alma və ananas dilimlərini düzün. Meyvələrin üstünə xəmiri tökün. 180 dərəcə qızdırılmış sobada 40 dəqiqə, üstü qızaranadək bişirin. Bişib-bişmədiyini kibrit çöpü ilə yoxlayın.