Tərkibi: (50-60 ədəd üçün) 250 q kərə yağı 125 q şəkər pudrası 400 q un (bir az çox da tələb oluna bilər) 30 xırda ərik (yaxud 15 irisi)
Hazırlanması: Əriklərin dənəsini çıxarın. Xırdadırlarsa 2 yerə, böyükdürlərsə 4 yerə bölün.
Yağı şəkər pudrası ilə krem qatılığına düşənədək çalın. Un əlavə edib xəmir yoğurun (ovuntuq kimi alınacaq). Xəmiri 4-5 mm qalınlıqda yayın. 6-7 sm diametrli dairələr kəsin. Hər birinin ortasına ərik qoyun, kənarlarını elə qatlayın ki, ortası boş (bizim halda ortasında ərik) üçbucaq alınsın. Perqament döşənmiş siniyə düzün. 200 dərəcə qızdırılmış sobada təxminən 15 dəqiqə, qıraqları qızaranadək bişirin. Çıxarıb soyudun, üzərinə şəkər pudrası səpin.