Tərkibi:
3 stəkan un
250 q kərə yağı
3 yumurta
1,25 stəkan şəkər tozu
0,5 çay qaşığı soda
0,5 çay qaşığı vanil
Hazırlanması:
1. Yumurtanı şəkər tozu ilə ağarıncayadək çalın. Yumşaldılmış kərə yağı və ya marqarin, soda, vanil əlavə edib qarışdırın. Sonra tədricən un əlavə edərək bərk xəmir yoğurun. 2. Hazır xəmiri ət maşınından keçirin. Alınan borucuqlardan halqa düzəldin, yağlanmış siniyə düzün. 180 dərəcə qızdırılmış sobada üstü qızarıncayadək bişirin.
3. Hazır peçenyenin üzərinə şəkər tozu və ya şəkər pudrası səpin.