Şokoladlı tort

Müəllif: Mr. OffiCeR
Şərhlər: 9
Baxılıb: 12 012
Səs ver:
(səs: 3)
Tərkibi:

şokoladlı laylar:
hər biri 150 q olmaqla tünd, südlü və ağ şokolad
450 ml 35%-li qaymaq (hər laya 150 ml)
30 q jelatin (hər laya 10 q)
150 q kərə yağı (hər laya 50 q)

biskvit:
4 yumurta
1 st şəkər tozu
1,5 st. un
2 x.q. kakao
1 paket qabartma tozu

Qaymağı soyuducuda bir neçə saat saxlayın.

Hazırlanması:

4 yumurtanı 1 st. şəkər tozu ilə çalın. 1,5 st. unu 2 dolu xörək qaşığı kakao və 1 paket qabartma tozu ilə qarışdırıb buraya əlavə edin. Xəmiri içinə perqament döşənib yağlanmış siniyə tökün. Sobada bişirin. Hazır olub-olmadığını kibrit və ya diş çöpü ilə yoxlayın. Hazır korju soyudun. Sonra isə kənarları açılan formanın diametrində dairə kəsin (məsələn, diametri 26 sm).

Biskvitin qalanını pirojna üçün istifadə edə, yaxud tortun kənarlarına vurmaq üçün xırdalaya bilərsiniz.

Dairəvi korju formanın içinə qoyun (formanın kənarlarına əvvəlcədən plyonka yerləşdirin). Şəkər tozu, vanil və sudan şərbət hazırlayıb korja hopdurun (mürəbbə suyundan da istifadə edə bilərsiniz). Soyuducuya qoyun.

Tünd şokolad layı: 10 q jelatinin üstünə 2 x.q. su tökün. 150 q tünd şokoladı su hamamında əridin, kərə yağı əlavə edin. Paralel olaraq 150 q soyuq qaymağı qatı köpük alınınca çalın, soyuducuya qoyun. Şişmiş jelatini əriyənədək qızdırın. Ələkdən keçirib isti yağlı-şokoladlı qarışığa əlavə edin (hər ikisi çox qaynar olmamalıdır, ilıq olsa, daha yaxşıdır), soyuducudakı qaymağı da qatıb eynicinsli kütlə alınanadək çalın. Soyuducudakı biskviti çıxarın, bu qarışığı üstünə çəkib yenə soyuducuya qoyun.

Bu lay bərkiyəndən sonra eyni qaydada südlü şokoladla, sonra isə eynilə ağ şokoladla laylar hazırlayıb formanın içinə, bir-birinin üstünə tökün.

Soyuducuda bir neçə saat saxlayın (yaxşı olar ki, gecədən səhərədək), formanın kənarlarını açın, plyonkanı çıxarın, üzərini zövqünüzə görə bəzəyin.

Nuş olsun!
(səs: 3)
Şərhlər: 9
Baxılıb: 12 012
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri