Vəsaitlər: 100 qr tam buğda unu 3 yemək qaşığı toz şəkər 1 şirin qaşığı qabartma tozu 1 paket vanil 1 yumurta 70 ml süd 20 qr kərə yağı (ərinmiş ) 1 yemək qaşığı rəndələnmiş portağal qabığı
Təqdimat üçün: Giləmeyvə Bal Nanə yarpaqları
Hazırlanması:
Un, qabartma tozu, portağal qabığı, vanil və şəkəri bir kasada qarışdırın. Yumurta, süd və ərinmiş yağı bir kasada çırpın. Un qarışığını əlavə edib yaxşıca qarışdırın. Yapışmaz səthli tavanı qızdırın. Fırça ilə çox yüngül günəbaxan yağı sürün. Xəmirdən 1 şirin qaşığı dolusu alıb tavaya tökün və önlü arxalı yüngül qızarana qədər bişirin. Xəmir bitənə qədər eyni əməliyyatı təkrarlayın. Kokteyl kürdanına üç mini pankek keçirin. Blueberry əlavə edib üzərinə bal gəzdirin.