Ən əsası - bu piroqu axşam yatandan qabaq yeməyin, yuxunuz qaçar. Səhər yeməyi üçün isə əladır.
Tərkibi:
5 yumurtanın ağı
100 q kərə yağı
100 q şəkər pudrası
30 q üyüdülmüş qəhvə
250 q un
5 q qabartma tozu
70 q portağal
5 ml bitki yağı
30 q bal
Hazırlanması:
Yumurta ağlarını bir çimdik duzla möhkəm çalın.
Yumşaldılmış yağı şəkər pudrası ilə qarışdırın (darçınlı şəkər pudrası da istifadə etmək olar).
Qəhvə, yağlı kütlə və unu çalınmış yumurta ağları ilə ehtiyatla qarışdırın, kütlə eynicinsli olsun, amma köpü yatmasın.
Portağalı fal-fal doğrayıb dilimləri yarı bölün.
Formanı bitki yağı ilə yağlayın. İçinə bal töküb portağalları bir lay döşəyin.
Xəmiri üzərinə töküb yayın.
180 dərəcə qızdırılmış sobada 30-40 dəqiqə bişirin.
Bir az soyuyandan sonra hazır piroqu boşqaba tərs çevirin.