Tərkibi:
200 ml su
200 q şəkər tozu
400 q banan
50 q ərik qurusu
50 q kişmiş
50 q badam
200 q quru süd
100 q kərə yağı
Hazırlanması:
Şəkər tozunun üzərinə su töküb ocağa qoyun. Şəkər tozu əriyəndə xırda doğranmış banan əlavə edib 30-40 dəqiqə bişirin.
Bananlar bişən müddətdə ərik qurusu, kişmiş və badamı xırda doğrayın.
30-40 dəqiqə sonra, bananlar eynicinsli kütlə halına düşüb rəngi
tündləşəcək. Bu zaman ərik qurusu, badam və kişmişi əlavə edib
qarışdırın.
Qarışdıraraq quru südü əlavə edin.
Kərə yağını tavada əridin. Yağı südlü-meyvəli qarışığa əlavə edin, yaxşıca qarışdırın.
Formaya tökün, üzərinə plyonka çəkin, dondurucuda 30-60 dəqiqə saxlayın.