Tərkibi:
3 x/ q manna yarması
1 stəkan şəkər tozu
2 stəkan su
100 qram giləmeyvə (qarağat və çaytikanı)

Hazırlanması:
Hər iki giləmeyvəni şəkildəki kimi əzirik, suyunu və cecəsini ayrı-ayrı qaba əlavə edirik.
İki qazana su əlavə edib hər iki cecəni 7-8 dəqiqə qaynadırıq. Sonra ya tənzifin, ya da süzgəcin köməyi ilə süzürük.
 
Yenidən odun üzərinə qoyub şəkər tozu əlavə edirik. Qaynayan qarışığa manna yarmasını əlavə edib 8-9 dəqiqə qaynadırıq.
 
Sonra qarışığa giləmeyvənin şirəsini əlavə edirik. Hər kütləni ayrı-ayrılıqda 10 dəqiqə mikserlə çalırıq. Köpmüş məhlul alınmalıdır.
 
Süfrəyə təqdim edəcəyimiz qaba əvvəl çaytikanlı qarışığı, sonra qarağatlı qarışığı əlavə edib, 3-4 saatlıq soyuducuya qoyuruq.

Nuş olsun!