Tərkibi:
0,5 kq un
150 qram kərə yağı
2 ədəd yumurta
1/3 stəkan şəkər tozu
0,5 ç/q maya
Bir çimdik duz
Yoğrulana qədər süd
İçlik üçün:
0,5 kq qovrulmuş, qabığı təmizlənmiş qoz
0,5 kq şəkər tozu
Zövqə görə hil, vanil
Hazırlanması:
"Şamaxı mütəkkəsi"ni hazırlamaq üçün xəmir göstərilən ərzaqlarla yoğrulur, 1-1,5 saat saxladıqdan sonra kündələnir. Nə çox qalın, nə də çox nazik yuxa yayılır. Şəkildəki kimi kəsilir, içlik qoyulur (bu şirniyyatın içliyi, adətən, cemlə olmalıdır), rulet kimi bükülür, üzərinə yumurtanın sarısı çəkilib bişməyə qoyulur. Bu xəmirdən müxtəlif formada şirniyyatlar hazırlaya bilərsiniz. Yumurta sevməyənlər isə, üzərinə heç nə çəkmədən bişməyə qoyur, soyuduqdan sonra üzərinə şəkər kirşanı əlavə edirlər.
Qeyd: xəmirdən istədiyiniz formada şirniyyatlar hazırlaya bilərsiniz, bu, artıq sizin zövqünüzə qalır.