Bu gün sizə kəsmikdən hazırlanan iki fərqli peçenye resepti təqdim edəcəm. Birinci peçenyenin hazırlanma qaydası belədur:
Tərkibi:
Kəsmik - 200 q
Kərə yağı - 100 q
Un - 1 stəkan
Soda - bir çimdik
Üzəri üçün:
1 ç/q darçın
3-4 x/q şəkər tozu
Hazırlanması:
Xəmur üçün ərzaqları qarışdırıb yaxşıca yoğururuq, 2 saatlıq soyuducuya qoyuruq. Bu müddət ərzində isə ikinci peçenyemizi hazırlayırıq.
Tərkibi:
Un - 2 stəkan
Kəsmik - 200 q
Kərə yağı - 200 qram
Yumurta - 1 ədəd
Çay sodası - 1 ç/q
Şəkır tozu
Hazırlanması:
Kəsmiklə yağı yaxşıca qarışdırırıq. Sonra unu, yumurtanı, sirkədə söndürülmüş sodanı əlavə edib qarışdırırıq. 10 dəqiqə gözlədikdən sonra taxtanın üzərinə kartof nişastası əlavə edib xəmirdən kəsdiyimiz hissəni yayırıq. Üzərinə şəkər tozu əlavə edib hər iki tərəfdən ortaya doğru rulet kimi bükürük. Sonra şəkildəki ölçüdə hissələr kəsirik, qalın hissə alta olmaqla şirniyyat təbəqəsinə qoyub, əlimizlə bir qədər yayırıq.
Bu peçenyelər hazır olanadək birinci xəmirimiz üçün gözlədiyimiz vaxt keçir və xəmiri soyuducudan çıxarıb peçenyeləri hazırlayırıq. Bir balaca hissə kəsirik, əlimizin içində yayırıq, bir üzünü darçınlı şəkər tozuna batırırıq, iki qatlayırıq, yenidən darçınlı şəkər tozuna batırırıq, bir də qatlayırıq. Son dəfə üzünü batırıb qənnadı təbəqəsinə düzürük. Üstü qızılı rəng alanadək bişiririk.