Zebra tortu resepti

Müəllif: my_angel
Şərhlər: 9
Baxılıb: 23 794
Səs ver:
(səs: 8)
Tərkibi:
Xəmir üçün:

200 q şəkər tozu
200 q kərə yağı və ya marqarin
5 yumurta
500 q xama (10-15%)
300-350 q un
3 ç.q. qabartma tozu və ya 1 ç.q. soda
3-4 x.q. kakao

Krem üçün:
400-500 q xama
150 q şəkər tozu
2 ç.q. vanili şəkər tozu

Qlazur üçün:
100 q kərə yağı
5 x.q. süd
6-7 x.q. şəkər tozu
5 x.q. kakao

Hazırlanması:
Yağı şəkər tozu ilə çalın. Yumurta əlavə edib qarışdırın. Xama vurub qarışdırın. Qabartma tozu və un əlavə edib qatı olmayan xəmir hazırlayın.
Xəmiri iki yerə bölün, birinə kakao vurub qarışdırın.
Sinini (təxminən 26 sm diametrli) bitki yağı ilə yağlayın. 1-2 x.q. kakaolu xəmiri qabın ortasına qoyun. Bunun ortasına isə açıq rəngli xəmirdən 1-2 x.q. tökün. Sonra bu qayda ilə növbə ilə tünd və açıq rəngli xəmirdən 1-2 qaşıq hər dairənin ortasına əlavə etməklə xəmir qabın divarlarına yaxınlaşana qədər tökün (göstərilən ərzaqdan hazırlanan xəmir 2 korj üçün nəzərdə tutulub).
180 dərəcə qızdırılmış sobada 30-35 dəqiqə bişirin.

Krem üçün xamanı şəkər tozu və vanillə çalın. Korjlardan birinin üzərinə krem çəkin. Korjların hərəsini iki yerə bölmək olar, belədə 4 korj alınacaq. Sonra o biri korju kremin üstündən qoyun.
Qlazur üçün kərə yağını qazançada əridin, süd, şəkər tozu, kakao əlavə edib qarışdıra-qarışdıra qaynara düşənəcən gözləyin. Qatılaşanda ocaqdan götürüb tortun üzərinə çəkin.
Tortu zövqünüzə görə bəzəyin. Ən asan üsul: üzərinə şəkər pudrası səpib ərinmiş şokoladla xətlər çəkin.

Nuş olsun!
(səs: 8)
Şərhlər: 9
Baxılıb: 23 794
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri