Tərkibi:
qat qat xəmir
bir neçə alma
şəkər - 3 x/q
şəkər pudrası
su - 200ml
Hazırlanması:
Almaları 4 yerə bölüb qabığını soyuruq. Sonra nazik dilimlər kəsirik.
Şəkərdən sirop hazırlamaq üçün 200 ml suya 3 x/q şəkər əlavə edib qaynadırıq. Qaynayan siropa alma dilimlərini atıb 3 dəqiqə ərzində bişiririk ki, dilimlər bütöv qalsın.
Donu açılmiş qat qat xəmiri eni 3 sm , uzunluğu isə 25 sm olmaqla hissələrə kəsirik.
5 ədəd alma dilimini xəmirin üzərinə düzürük, və şəkildə göründüyü kimi bükürük. Xəmirin aşağı hissələrini içəri qatlayırıq. Hazır qızılgülləri kağız sərilmiş soba qabına qoyuruq və 180C dərəcədə qızılı rəng olana qədər bişiririk.
Hazır alma qızılgüllərinin üzərinə şəkər pudrası səpirik.
Bu desert asan başa gələn və baha olmayan bir desertdir. Əminəm ki, bu cür qızılgüllər sizin qonaqlarınızın da xoşuna gələcək