Tərkibi:
3 ədəd yumurta
400 ml krem
1 stəkan şəkər
1 paket vanilli pudinq
1 paket qabartma tozu
1 paket vanil
Apardığı qədər un
Üzəri üçün:
300 qram doğranmış badam
150 qram kərə yağı
3 yemək qaşığı şəkər
6 - 7 qaşıq bal
Hazırlanması:
Əvvəlcə keksimizi hazırlayırıq. 3 yumurta, şəkər və vanil krem halına gələnə qədər çırpırıq. Üzərinə puding toz və kremi əlavə edib qarışdırırıq. Son olaraq un və qabartma tozunu əlavə edib 2 - 3 dəqiqə çırpırıq. Yağlanmış soba nimçəsinə hazırladığımız qarışımı tökürük. İsidilmiş sobada 180 dərəcədə əvvəlcə 15 dəqiqə qədər bişiririk. Bu vaxt üzəri üçün: tavaya kərə yağını bir az əridib üzərinə badamı əlavə edib yüngül rəngi dönənə qədər qovururuuq. Son olaraq şəkəri və balı əlavə 2 dəqiqə daha bişiririk. Sobada 15 dəqiqə bişən keksimizi çıxarıb çəngəl ilə hər tərəfinə bir neçə dəfə batıraraq deşirik. Üzərinə hazırladığımız ballı badamı yayıb 10 dəqiqə daha sobada bişiririk. Bir az soyuduqdan sonra doğrayıb süfrəyə xidmət edirik.