Tərkibi:
100 q paket yağı
120 q badam unu
75 q adi un
150 q şəkər tozu
3 yumurtanın ağı
1 ç.q vanil
Lazım olan qədər çiyələk
Şəkər pudrası - üzəri üçün
1 ədəd qabartma tozu

Hazırlanması:
Yağı bir qaba əlavə edirik və yumşalana qədər gözləyirik. Əgər tələsik olsa, blenderdə yumşalda bilərsiniz və onu yan tərəfdə gözlədirik. Başqa bir qabda şəkər tozunu və hər iki unu qarışdırırıq. Yumurtanın ağını da kənarda vanil əlavə edərək köpüklənənə qədər qarışdırıb qarışımın üzərinə əlavə edib bir daha qarışdırırıq.
Kənarda yumşalmış yağımızı da qarışıma əlavə edib bir-birinə qarışana qədər qarışdırırıq. Xəmir qatı olmalıdır.
Rezin şiriniyyat qablarına qarışımı tökdükdən sonra başları təmizlənmiş çiyələkləri kekslərin ortasına qoyuruq.
200 dərəcədə qızdırılmış sobaya qoyub 20 dəqiqə bişiririk.
Budur, şiriniyyatımız hazırdır.

Nuş olsun!