Tərkibi:
Şokoladlı pryanik - 500 qram
Xama  -  100-150 qram
Banan - 3 ədəd
Şəkər  ¼ stəkan
Şokolad zövqə görə
Kakao 4 xörək qaşığı

Hazırlanması:
1. Pryanikləri halqa formasında 3 hissəyə bölün.
2. Krem hazırlamaq üçün xamaya kakao, şəkər  tozu əlavə edib yaxşıca çalın. Elə çalın ki, kütlənin həcmi 1,5 dəfə artsın, o, qatılaşsın.
3. Bananı halqa formasında doğrayın.
4. Sonra pryanikləri bir qaba yığın, onların arasına pryanik qırıqlarını tökün.
5. Pryanikin ilk qatını yığandan sonra üzərinə krem çəkin.
6. Bananları kremin üzərinə düzün və yenidən üzərinə krem çəkin.
7. Və beləliklə qalan pryanikləri qat-qat yığın. Üzərinə sürtgəcdən keçirilmiş şokolad parçaları tökün.
8.  Bu tortun 24 saat soyuducuda  qalması şərtdir.

Nuş olsun!