Tərkibi:
110 q yumşaldılmış kərə yağı
3 yumurta
1 ç.q. şəkər tozu
1 ç.q. limon sedrası
100 ml süd
125 q yulaf lopası
20 q nişasta
1 ç.q. qabartma tozu
3 göy alma
1 çimdik duz
1 çimdik darçın
Hazırlanması:
Yumurta ağlarını sarılarından ayırın.
Formanı
bir qədər kərə yağı ilə yağlayın. Yağın qalanını yumurta sarıları,
şəkər tozu, limon sedrası ilə ağarıncayadək çalın. Süd, yulaf lopaları,
nişasta, qabartma tozu əlavə edib qarışdırın.
Almaların qabığını soyun. Cecəsini xüsusi bıçaqla çıxarın. Almalardan birini halqa, digərlərini xırda dilimlərə doğrayın.
Yumurta
ağlarını 1 çimdik duzla möhkəm çalın. Sonra birinci kütlə ilə
birləşdirib eynicinsli kütlə alınanadək qarışdırın. Xırda doğradığınız
almaları əlavə edin.
Alınan
kütləni formaya tökün, alma dilimlərini üzərinə düzün, sonra
üstlərindən azca basın ki, ortalarından xəmir kürəsi çıxsın. 190 dərəcə
qızdırılmış sobada 35 dəqiqə bişirin.