Tərkibi:
150 qram toz halına salınmış peçenye
50 qram kərə yağı
100 qram şəkər
120 ml. qaymaq
150 qram acı şokolad
2 xörək qaşığı kakao
200 qram qaymaqlı pendir
Hazırlanması:
Şokoladı əritmək üçün qaba töküb onu qaynayan qazanın üstünə
qoyun. Buxarda əriyən şokoladın soyumasını gözləyin. Blenderdə toz
halına salınmış peçenyeyə ərimiş yağ və 1 xörək qaşığı şəkər əlavə edib
yaxşıca qarışdırın. Onu qabda döyəcləyərək formaya salın və soyuducuda
saxlayın.
Qaymağı mikserlə bir qədər qarışdırdıqdan sonra üzərinə əridilmiş
şokolad və bir qədər isti su ilə qarışdırılmış kakao tozu əlavə edin.
Bütün ərzaqları ehtiyatla qarışdırın. Sonra isə qaymaqlı pendirlə şəkər
tozunu mikserlə çalın. Sonra onu şokolad kütləsi ilə birləşdirib yenidən
qarışdırın. Onu peçenyenin üstünə töküb donması üçün soyuducuya
yerləşdirin. Buzluqda 1 saat saxlayın.
30 dəqiqədən sonra soyuducunun aşağı hissəsinə qoyun. 30 dəqiqə də orada qaldıqdan sonra çizkeyki yemək olar.