Tərkibi:
1 ədəd yumurta
1 çay stəkanı duru yağ
Yarım çay stəkanı süd
1 su stəkanı su
1 su stəkanı toz şəkər
1 çay qaşığı qabartma tozu
2 və ya 3 su stəkanı un (göz qərarı)
Arası üçün:
1 paket sadə tort kremi
1 su stəkanı süd
Şokolad sousu üçün:
Yarım çay stəkanı un
Yarım çay stəkanı kakao
1 çay stəkanı toz şəkər
2 su stəkanı süd
Hazırlanması:
İlk
olaraq pankeklərimizin xəmirini etməyə başlayaq. Bunun üçün qaba bütün
xəmir üçün olan ərzaqları əlavə edib və mikserlə yaxşıca çalınır, keks
xəmiri halına gətirilir. Yağsız bir tava qazın üzərinə qoyulur və
hazır xəmirdən bir xörək qaşığı tavaya tökərək blinçik kimi hər iki
üzü bişirilir. Bişirilmiş pankeklərimizi soyumağa buraxaq. Digər
tərəfdən şokolad sosumuzun vəsaitlərini bir qazana alaq və zəif qazda
qarışdıraraq 3-4 dəqiqə bişirək.Bişən sosumuzu qazın üzərindən alaq və
soyumağa buraxaq.Tort kremini mikser qabına alaq, südü üzərinə tökək
və mikserlə yaxşıca çalınır.Tort kremini pankeklərin arasına çəkilir
və pankeklər üst - üstə yerləşdirilir. Soyuyan şokolad sosumuzu
pankeklerimizin üstünə tökək və xidmət edək.