Tərkibi:
Xəmir üçün:
125 ml süd
75 q kərə yağı
50 q şəkər tozu
1/4 ç.q. duz
10 q quru və ya 25 q yaş maya
1 yumurta
325 q un
1 ç.q. sürtgəcdən keçirilmiş limon sedrası
Kəsmikli lay üçün:
500 q kəsmik (18% yağlılıqlı)
125 ml süd
1 yumurta
75 q şəkər tozu
75 q un
2 x.q. limon şirəsi
1 x.q. tünd rom
Meyvə qatı üçün:
600 q gavalı (başqa meyvə də olar)
Sous üçün:
500 q yağlı xama (22%-dən artıq)
2 yumurta
25 q un
50 q şəkər tozu
Hazırlanması:
Xəmir: Öncə
südü tayqulpa tökün, yağ, şəkər tozu əlavə edib ocağın üstə qoyun. Yağ
əriyəndə ocaqdan götürüb otaq temperaturunadək soyudun. Maya əlavə edib
qarışdırın (tam ərisin).
Sedra, duz və yumurta əlavə edib çalın. Tədricən ələnmiş un əlavə edib xəmir yoğurun.
Xəmir
yumşaq olmalıdır. Un reseptdə göstəriləndən az və ya çox tələb oluna
bilər. Xəmiri ləyənə qoyub ağzına qida plyonkası çəkin, isti yerə qoyun.
1-1,5 saata xəmir 2 dəfə gəlməlidir.
Kəsmikli lay: bunun üçün lazım olan ərzaqları eynicinsli kütlə halına gələnədək qarışdırın.
Gavalıları 4 bölüb çərdəklərini çıxarın.
Sous: Xamanı şəkər tozu, yumurta və unla çalın.
Gəlmiş xəmiri ətləyin, yayın, içinə perqament qoyduğunuz siniyə döşəyin, kənarlarını qaldırın.
Üzərinə kəsmikli qarışığı tökün, hamarlayın.
Meyvələri düzün.
Xamalı-yumurtalı sousu üzərinə tökün.
180 dərəcə qızdırılmış sobada 45-50 dəqiqə, hazır olanadək bişirin. Üzərindəki sous bərkiməli, axmamalıdır.
Piroqu isti və ya tam soyudulmuş halda süfrəyə verə bilərsiniz.