Crazy
Cake - ("Dəlisov piroq") amerikan piroqudur. Onu defisit vaxtı
fikirləşiblər. Sadə tərkibinə rəğmən dadı qeyri-adidir. Tərkibində yağ
yoxdur, amma yağlı tortlardan dadına görə heç də geri qalmır.
Tərkibi:
2 st. süd
2 st. un
1,5 st. şəkər tozu
6 x.q. kakao
4 ç.q. qabartma tozu
Krem:
2 st. süd
1 st. şəkər tozu
3 x.q. un
1 yumurta
Hazırlanması:
Un, şəkər tozu, kakao və qabartma tozunu qarışdırın.
İsti südü üzərinə töküb yüngülcə qarışdırın (tam qarışmalıdır).
Formaya töküb 180 dərəcə qızdırılmış sobada 40 dəqiqə bişirin.
Krem: Südü
qaynadın. Yumurtanı şəkər tozu və unla çalın, qarışdıra-qarışdıra
qaynar südü əlavə edin, sonra ocağın üstünə qoyun, qarışdırmağı
dayandırmadan qatılaşanadək bişirin.
Şokoladlı biskviti 2, yaxud 3 korja bölün, isti kremi aralarına çəkin.
Üzərini zövqünüzə görə bəzəyə bilərsiniz.