Tərkibi (4-6 pay):
xəmir:
1 st. süd
1 yumurta
2,5-3 st. un
250 q yağ
duz
0,5 ç.q. maya
krem:
1 yumurta
1 st. şəkər tozu
3 x.q. nişasta
2 st. süd
1 paket vanilli şəkər tozu (5 q)
Hazırlanması:
Krem: Yumurtanı şəkər tozu və nişasta ilə ağ, qatı kütlə alınanadək
çalın. İsit süd əlavə edib qarışdırın, ocağın üstünə qoyub daim
qarışdıraraq qaynara düşüb qatılaşanadək bişirin.
Xəmir: İlıq süddə mayanı əridin, yumurta, duz, un əlavə edib yumşaq
xəmir yoğurun. 2 yerə bölün. Hər birini yayıb üzərinə yumşalmış yağ
çəkin. Öncə rulet, sonra spiral kimi bükün. Çalışın 250 q yağın hamısını
xəmirin üzərinə çəkəsiniz (bünün üçün onu əritmək yox, sadəcə otaq
temperaturunadək yumşaltmaq lazımdır). Əks halda qatları bilinmir.
Hər spiralı ayrılıqda qida plyonkasına büküb soyuducuda 2-4 saat saxlayın.
Bu müddət ötəndən sonra xəmiri çıxarın. Yenidən yoğurmaq lazım deyil. Olduğu kimi ayrı-ayrılıqda 2-3 mm qalınlıqda yayın.
Xəmirin birini yağlanmış siniyə yayın. Üzərinə kremi çəkib hamarlayın.
İkinci xəmiri bir az enli yayın ki, kənarını altına qatlamaq olsun. Onu
kremin üstündən qoyub kənarlarını alt tərəfinə qatlayın (kənarlardan
içəriyə 2 sm).
Üzərini bir neçə yerdən çəngəllə deşin. Yumurta sarısını azca südlə çalıb üzərinə çəkin.
Əvvəlcədən 180 dərəcə qızdırılmış sobada 25-30 dəqiqə, üzəri qızaranadək
bişirin. Bir qədər soyuduqdan sonra üzərinə şəkər pudrası səpə
bilərsiniz.